Ағымдағы жылдың наурыз айында Алматы қаласының Қоғамдық кеңесі Алматы қалалық «AMANAT» партиясы филиалының Әйелдер қанатымен бірлесіп, Алматының сегіз ауданында диалогтық алаңдар сериясын ұйымдастырды. Бұл іс-шаралардың мақсаты халықты БЖЗҚ өкілдері арқылы зейнетақы жарналары, оның ішінде үзінді көшірме алу, төлемдер тәртібі, зейнетақы жинақтарын инвестициялық портфельді басқарушыға (ИПБ) сенімгерлік басқаруға аудару және 2025 жылға жоспарланған зейнетақы төлемдері тәртібіндегі өзгерістер туралы ақпараттандыру болды.
Алаңдарда ынтымақты және базалық зейнетақыға қатысты мәселелер, ерікті зейнетақы жарналарын енгізу және олардың жинақтарға әсері, зейнетақы қаражатын пайдалану мүмкіндіктері, зейнетақы жинақтарын мұрагерлікке қалдыру және жарна салушы қайтыс болған жағдайда мұрагерлер үшін төлемдерді алу шарттары егжей-тегжейлі талқыланды.
БЖЗҚ өкілдері жинақтаушы зейнетақы жүйесі және оның жаңа компоненттері туралы, оның ішінде 2024 жылы енгізілген жұмыс берушілердің міндетті зейнетақы жарналары 1,5% мөлшерінде, 2028 жылға қарай 5%-ға дейін ұлғаюымен бірге өзекті ақпарат берді.
Талқылаулар барысында 1998 жылға дейін жұмыс істеген азаматтар үшін зейнетақы жарналары туралы архивтік деректерді жинаудың маңыздылығы ерекше атап өтілді. Қатысушылар жұмыс берушілердің уақтылы төлем жасамауы салдарынан еңбек өтілінің жоғалу жағдайларын, сондай-ақ ұйымдар қажетті құжаттарды ұсынбаған кезде зейнеткерлікке шығу кезінде туындайтын мәселелерді талқылады. Спикерлер азаматтардың зейнетақы жарналарын бақылауда ұстауының маңыздылығына назар аударды, бұл болашақта ықтимал шығындардың алдын алуға көмектеседі. #Almaty #AMANAT @almaty_amanat @akimat_almaty
Categories: Жаңалықтар
