19 шілдеде Қоғамдық Кеңестің Алматы қаласы Білім басқармасымен бірлескен отырысы өтті.
Атқарылған жұмыстар туралы төменде көрсетілген тақырыптар бойынша есеп тыңдалды:
✔ Жалпы орта білім бойынша:
• Алматы қаласы республикалық, халықаралық олимпиадаларда, республикалық ғылыми жобалар конкурстарында жетекші орын алады;
• Алматы қаласының командасы әлемнің ірі қалалары мен астаналары оқушыларының арасында ІІІ Халықаралық Мәскеу Олимпиадасында жетекші орынға ие болды;
• Қазақстан Республикасы Білім және ғылым министрлігінің жоспарына сәйкес оқушылардың оқу жетістіктерін сырттай бағалау (ОЖСБ) 2018 жылы 12-19 сәуір аралығында Алматы қаласының мектептерінде өткізілді. Қаламыз Қазақстан бойынша ОЖСБ-да үздік нәтижелер көрсетті;
• ҰБТ-да Алматы қаласының орташа балы республикалық көрсеткіштен жоғары болды;
• Жыл сайын “Үздік педагог”, “Үздік педагогикалық ұжым” байқаулары өткізіледі»;
• Бастауыш сынып және пән мұғалімдері жаңартылған білім беру мазмұны бойынша курстардан өтті;
• Сондай-ақ, Алматы қаласының мектептері пәндерді ағылшын тілінде оқыту бойынша пилоттық жобаға енгізілді;
✔ Мектепке дейінгі білім беру және тәрбие:
• Мектепке дейінгі ұйымдарда орын жетіспеушілігі;
• Алматы қаласының мектепке дейінгі ұйымдарының педагогтары оқу-тәрбие процесінде “Step by Step”, “Smart English”, “Е-block”, “Электронды қазақ үй”, “Асық терапиясы”, “Stand Up Innovations Kazakhstan”, “Robot technika”, жиналмалы киіз үй және т. б. элементтерін кеңінен қолданады;
• Алматы қаласының мектепке дейінгі ұйымдарының педагогтары халықаралық ғылыми-практикалық конференцияларға, семинар-тренингтерге қатысты;
• “Рухани жаңғыру” жобасы аясында қаланың мектепке дейінгі ұйымдарының педагогтары мен тәрбиеленушілері арасында дөңгелек үстелдер, мастер-кластар, ашық байқаулар, қалалық байқаулар өткізілді;
✔ Техникалық және кәсіптік білім:
• 153 кәсіпорынмен түлектерді кепілді жұмысқа орналастыру туралы келісімге қол қойылды;
• Алматы қ. колледждері халықаралық кәсіби шеберлік байқауларында жетекші орынға ие;
✔ ІІД, прокуратура және Алматы қаласының Денсаулық сақтау басқармасымен бірлесіп, оқушылар арасында тәрбие жұмысын ұйымдастыру бойынша іс-шаралар өткізілді;
✔ Жазғы демалыс кезінде сауықтыру демалыстары, бос уақыт және балалардың жұмыспен қамтылуы
Categories: Жаңалықтар
