А.ж. 9 қыркүйегінде қалалық Қоғамдық кеңес төралқасының кеңейтілген отырысы өтті

онда Қоғамдық кеңес мүшелері алдағы 6 қазанда АЭС бойынша халық референдумы туралы өз пікірлерін білдірді.
Мәселен, Арупов Акимжан Арупович әлемдік экономика институтының директоры бола отырып, елімізде АЭС іске қосылғаннан кейінгі экономикалық тиімділік туралы негізделген дәлелдер келтірді. Әлемде 400-ден астам жұмыс істейтін атом электр станциялары бар және бүгінгі күні энергияны өндірудің үлкен көлемде тиімді әдісі жоқ. Бұдан басқа, АЭЖХА атом энергетикасы объектілерінің құрылысын және одан әрі пайдаланылуын бақылауды жүзеге асыратын байсалды және беделді ұйым болып табылады.
Алматы қаласының Азаматтық альянсының төрағасы болып табылатын Қайыржан Саясатұлы Әбдіхалықов алдағы референдумның маңыздылығын атап өтіп, азаматтық қоғамның саналы бөлігі мемлекет басшысының бастамасын қолдауға тиіс екендігіне сенім білдірді. Алдағы референдум туралы ақпараттың дұрыстығы мен толықтығы Қоғамдық кеңес пен Альянсқа байланысты.
Байгабулова Гүлмира Масабайқызы елімізде ядролық физика институтында жоғары білім беретінін еске салды, бірақ, өкінішке орай, сұраныстың аздығына байланысты көптеген түлектер кәсіптен тыс жұмыс істеуге мәжбүр және атом энергетикасын дамыту оларды осы саладағы перспективалы мамандарға айналдырады.
Кеңестің қалған мүшелері де референдум өткізуді қолдап, елдің энергетикалық болашағына қатысты осындай маңызды мәселеде мемлекеттің халыққа деген жоғары сенімін атап өтті.
Кездесу қорытындысы бойынша қала ҚК төрайымы Алтынай Орманқалиқызы Көбеева алдағы референдумның мақсаттары мен міндеттерін халыққа түсіндіру бойынша барлық мемлекеттік органдардың, азаматтық қоғамның, белсенділердің тығыз жұмыс істеу қажеттігі туралы айтты.