Алматы қаласында мәслихаттың экономика, қаржы, активтер, мемлекеттік басқаруды дамыту және қоғамдық қауіпсіздік жөніндегі комиссиясының депутаты А. О. Кобееваның қатысуымен қаланың қоғамдық кеңесі ұйымдастырған диалог алаңдары өтті. Бұл іс-шаралар қаланың үш ауданында: Алмалы, Әуезов және Түрксіб аудандарында өтті және адам орталықтылығы қағидатын ескере отырып, учаскелік полиция инспекторлары жұмысының тиімділігін талқылауға арналды.
Іс-шараға Алматы қаласының қоғамдық кеңесінің мүшелері мен сарапшылары, аудандық полиция басқармаларының, ПИК, МИБ өкілдері, сондай-ақ қаланың белсенді тұрғындары мен БАҚ өкілдері қатысты.
Диалог алаңдарында қала тұрғындарын толғандыратын мәселелер көтерілді. Олардың ішінде: түнгі уақытта және күндіз шақырулар бойынша шығатын патрульдер саны; жеке іс-шараларға (концерттерге және т. б.) учаскелік инспекторларды тарту; патрульдер санын анықтау кезінде қалаға келетін және тұратын адамдардың санын есепке алу; азаматтардың телефондарында 102-қосымшаны пайдалану статистикасы; бюджеттік бағдарлама шеңберінде белгіленген қала аулаларында бақылау камераларының жұмысы.
Осы сұрақтардың барлығына түсініктеме берілді. Талқылау қорытындысы бойынша диалог алаңдарында учаскелік полиция инспекторларының жұмысын жақсарту және олардың қызметінің тиімділігін арттыру үшін тиісті мемлекеттік органдарға жіберілетін ұсыныстар мен ұсынымдар әзірленетін болады.
Categories: диалог платформасыЖаңалықтар
