Алматы қаласы Қоғамдық кеңесінің жанынан сыбайлас жемқорлыққа қарсы іс-қимыл комитетін құру туралы шешім қабылданды
“Antikor ortalyǵy” алаңында Сыбайлас жемқорлыққа қарсы іс-қимыл мәселелері бойынша Алматы қаласы Қоғамдық кеңесінің көшпелі отырысы өтті.
Кездесу барысында Қоғамдық кеңес мүшелері мен қоғам қайраткерлері ведомствоның қазіргі жұмысы және ҚР 2022-2026 жылдарға арналған сыбайлас жемқорлыққа қарсы саясат тұжырымдамасының іске асырылуы туралы хабардар етілді.
Отырыста Қоғамдық кеңестің жанынан сыбайлас жемқорлық көріністеріне қарсы іс-қимыл мәселелерімен айналысатын жеке комитет құру туралы шешім қабылданды.
Кездесу қатысушыларын қарсы ала отырып, Департамент басшысы Асхат Оразхан Сыбайлас жемқорлыққа қарсы қызмет пен азаматтық сектордың сындарлы өзара іс-қимылының маңыздылығын атап өтті.
“Біздің бірлескен ынтымақтастығымыз сыбайлас жемқорлыққа қарсы іс-қимылда оң нәтиже береді деп үміттенеміз. Мемлекеттік органдар мен квазимемлекеттік сектор кәсіпорындарының сыбайлас жемқорлыққа жағдай жасайтын заңсыз іс – әрекеттерін анықтау мақсатында нақты жұмыс құрып, сыбайлас жемқорлық тәуекелдеріне талдау жүргізуде, мемлекеттік сатып алуға мониторинг жүргізуде, қоғамдық бақылауды ұйымдастыру мен өткізуде бірлескен күш салу қажет”, – деп атап өтті ол.
“Қоғамдық кеңестің қоғамдық бақылау саласындағы міндеттерінің бірі халықты сыбайлас жемқорлыққа қарсы іс-қимыл процесіне тарту болып табылады. Қоғамдық кеңес жанындағы осы комитеттің құрамына белсенді азаматтық ұстанымы бар адамдар кіруі өте маңызды, қойылған мақсаттар үшін барлық сараптамалық әлеуетті тарту қажет”, – деп атап өтті Алматы қаласы Қоғамдық кеңесінің төрайымы Алтынай Көбеева.
Соңында қатысушылар осы комитеттің алдын ала құрамын және одан арғы іс-шаралар жоспарын талқылады.
5-Денсаулық сақтау, білім беру және жұмыспен қамту жөніндегі комиссия
Алматы ҚК және еңбек ұтқырлығы орталығы ҮЕҰ үшін заңнаманы түсіндіруді жүргізеді және кәсіптер сыныптауышындағы өзгерістерді талқылады
Алматы қаласы Қоғамдық Кеңесінің № 5 комиссиясы Алматы қаласы Жұмыспен қамту және әлеуметтік бағдарламалар басқармасының еңбек ұтқырлығы орталығымен және мансаптық орталығымен бірлесіп, ҮЕҰ арасында халықты жұмыспен қамту саласындағы заңнаманы түсіндіру бойынша жұмысты жалғастыруда, сондай-ақ Қазақстан Read more…