Алматы қаласы Қоғамдық кеңесінің №2 комиссиясы Қала құрылысын бақылау басқармасының есебін тыңдады
2025 жылдың 2 шілдесінде Алматы қаласы Қоғамдық кеңесінің №2 комиссиясының отырысы өтіп, онда Қала құрылысын бақылау басқармасының (ҚҚББ) 2025 жылдың бірінші жартыжылдығындағы жұмысы туралы есебі тыңдалды.
ҚҚББ-ның негізгі жұмыс бағыттары талқыланды:
• Қала бойынша 1371 нысанның құрылысы жүргізілуде, оның 439-ы – бюджеттік, 932-сі – коммерциялық, оның ішінде 159 тұрғын үй кешені.
• 341 заңбұзушылық анықталып, 146,2 млн теңге көлемінде айыппұл салынды.
• Адал емес құрылыс салушылар мен техникалық қадағалау мамандарына қатысты шаралар қабылданды.
• Лицензияларды тоқтата тұру және жою бойынша кейінгі лицензиялық бақылау белсенді жүргізілуде.
• Таулы аймақтар мен базар аумақтарындағы құрылысқа ерекше назар аударылды.
• Қала құрылысы қызметінің ережелеріне енгізілген жаңашылдықтар қаралды.
Есепте сондай-ақ мына мәселелер ерекше атап өтілді:
- сот практикасы,
- өз бетінше салынған құрылыстармен күрес,
- қала құрылысы саласындағы рәсімдердің ашықтығын арттыру.
Басқарма Гүлмира Байғабуловаға, Тимур Нұртаевқа және Қоғамдық кеңес сарапшыларына мыналарды әзірлеуге белсенді қатысқаны үшін алғыс білдірді:
- авариялық-қалпына келтіру және құрылыс жұмыстарын жүргізу ережелері,
- құрылыс нысандарын нормативтерге сәйкестігін тексеру тәртібі және бақылау-қадағалау қызметін реформалау аясындағы басқа да маңызды құжаттар.
Айта кету керек, Алматыдағы 1371 нысанға ҚҚББ-ның бар-жоғы 20 инспекторы бөлінген, яғни бір инспекторға шамамен 70 нысаннан келеді. Жүктеменің жоғары болғанына қарамастан, басқарма шағымданбайды: оларға коммуналдық қызметтер мен басқа ведомстволар көмектеседі.
Талқылау барысында заңсыз салынған құрылыстарды бұзуға арналған техника сатып алу үшін Әділет басқармасына бюджет бөлу туралы ұсыныс айтылды – бұл қала құрылысы саласында тәртіпті қамтамасыз етудің маңызды қадамы болмақ.
Отырыс қорытындысы бойынша бірлескен жұмысты жалғастыру, соның ішінде проблемалы нысандарды тексеру кестесін жасау туралы шешім қабылданды.
